Sumar 2021

Jæja það er bara byrjað !!!  Sumarið!!!  Með sínum kulda og jafnvel snjókomu hér og þar um landið.  Það er samt sem áður margt hægt að gera til þess að gleðjast, ekki satt?

  • Klæða sig aðeins betur ( ekki pakka vetrarfötunum)
  • Anda inn feguðrinni allt um kring
  • Jákvæðni í alla staði – þú ferð lengra
  • Sundlaugar, æfðu sundtökin í sumar
  • Fjallgöngur, æfðu þig í litlu lágu fellunum hér allt um kring
  • Lestur góðra bókar
  • Hjólaferðir, æfði hjólið og hjólaþrekið í sumar
  • Hoppaðu, æfðu hoppið og blöðruna já og síðast en ekki síst styrkja beinin þín
  • Sippaðu, æfðu sippið í sumar.
  • Gerðu æfingar sem styrkja þig og liðka, já til dæmis “five rites of tibetian” sjáðu hér https://shreeyoga.is/5-tibet-aefingar-sem-thu-aettir-ad-gera-hverjum-degi/

Þetta allt ætla ég að gera og meira til í sumar en fyrst og fremst ætla ég að taka mér frí frá jógakennslu í tvo mánuði!!!!!!!!  Já hvað finnst þér?  Þetta hef ég alls ekki gert síðan ég byrjaði að kenna 2012 áður en ég útskrifaðist sem jógakennari.  Ég er hvergi að segja skilið við jógakennslu – láttu þér ekki detta það í hug. Þetta eru mínar ær og kýr! Í alvöru ég ætla breyta til og vinna aðeins meira á tannlæknastofunni, vinna í sjálfri mér – sjálfsrækt. Ætla hlaupa um í skóginum í leit af viltu stelpunni í mér – sækja krakkann og leyfa henni að blómstra á jákvæðan og sterkann hátt.

 

Ég mun vera með aðeins öðruvísi “pop upp” jóga í eitt til þrjú skipti í sumar.  Fer allt eftir aðsókn ofl.  Fyrsti tíminn verður nú um mánaðarmótin júní / júlí ( allt eftir veðri ).  Við erum að tala um Kampavíns jóga…. jebb ég nenni ekki bjórjóga – finnst bjór alls ekki góður en hjálpi mér hvað kampavínið er gott!!  Ertu til?  Þetta verðu auglýst, staðsetning, tímasetning og dagsetning og verð.

  • Miðvikudagurinn 30. júní
  • Miðvikudagurinn 28. júlí
  • Miðvikudagurinn 25. ágúst

En vittu til dagsetningar gætu svo sannarlega breyst – veðrið spilar stóran leik í þessu hamingjukasti sem jóga – skógarjóga og kampavínsjóga getur verið.

Síðasti tími tímabilsins var á föstudaginn og þá las ég þennan fallega texta um hina sterku og sérstöku konu sem oftar en ekki er barin niður af umhverfinu já og samfélaginu.  Fær ekki að vera eins og hún er í raun og veru…..  Bókin er um hina viltu kvenerkitýpu.

 

 

Gjörðu svo vel og megi sumarið vera þinn tími elsku vinur og vinkona.   Jai bhagwan, jai jai jai OM.

Dr. Clarissa Pin­kola Estés er þekkt­ur sál­fræðing­ur sem hef­ur m.a. ritað bók­ina um Kon­ur sem hlaupa með úlf­um. Bók­ina um hina villtu kvenerkitýpu. Kon­una sem á erfitt með að beygja sig und­ir regl­ur sam­fé­lags­ins um hlut­verk kvenna. Kon­una sem elsk­ar tunglið meira en nokk­ur ann­ar. Kon­an sem hef­ur verið kölluð kven­úlf­ur­inn (she wolf), eða „La loba“ á mexí­kósku.

Erkitýp­an um villtu kon­una á sér langa sögu og er talið að lang­flest­ar kon­ur geta tengt við hana á ein­hverj­um tíma­punkti. Eft­ir­far­andi er út­skýr­ing á villtu kon­unni út frá kenn­ing­um Estés.

Bókin um konuna sem hleypur með úlfum eftir Clarissa Pinkola …

Villta kon­an fæðist

Sam­kvæmt dr. Estés er villta kon­an ein­stök allt frá upp­hafi. Hún á ekki heima í fjöl­skyld­unni sinni og ekki í sam­fé­lag­inu. Hún á erfitt með að beygja sig und­ir það sem al­mennt telst gilda fyr­ir kon­ur. Regl­ur eru til að brjóta þær, eða finna und­anþágu á að mati villtu kon­unn­ar.

Hún vill ekki klæða sig eins og aðrar stelp­ur. Hún á það til að hlaupa út úr hús­inu, ber­fætt og hálf­klædd í þægi­leg­um föt­um. Hún elsk­ar nátt­úr­una sem barn. Þegar hún á að koma heim á kvöld­in, þarf að draga hana inn. Hún er villt í eðli sínu, með mikla orku og gamla sál.

Þess­ar stúlk­ur fara oft ung­ar að heim­an. Þær upp­lifa höfn­un, því fjöl­skyld­an hef­ur ekki skiln­ing fyr­ir þeim og reyn­ir að setja þær í fyr­ir­framskil­greind­an kassa sem þær vita að þær eiga ekki heima í.

Þær fara því oft of ung­ar að heim­an, upp­lifa erfitt líf, fá lít­inn stuðning og lenda í ógöng­um.

Villta kon­an finn­ur sinn lífstíl

Það get­ur vel verið að þessi teg­und af konu finni sinn ró­lega fasta lífstíl, en hún þarf að gera það á eig­in for­send­um, frjáls. Það er sagt að fyr­ir þessa konu sé auðveld­ara að ráfa um frjáls að leita að sínu um­hverfi, held­ur en að sitja föst í um­hverfi sem hún á ekki heima í.

Hún þráir mikla hlýju og ást. En þess­ar til­finn­ing­ar verður hún að finna skil­yrðis­laus­ar. Hún mun prófa ást­mann sinn með því að koma og fara. Hún mun finna ást­ina með manni sem lít­ur á hana eins og tré eða blóm, sem leyf­ir henni að vaxa, breyt­ast og þrosk­ast stöðugt. Sá sem hvet­ur hana áfram og þorir í leiðang­ur­inn með henni.

Villta kon­an aðstoðar aðrar kon­ur

Villta kon­an er fljót að bera kennsl á aðrar kon­ur með þetta eðli. Þær geta einnig verið erfiðar við þær kon­ur sem hafa náð að bæla niður villt eðli sitt, því þær minna á það sem þær geta ekki gert.

Þegar þær hafa komið sér fyr­ir í sínu nátt­úru­lega um­hverfi geta þær byrjað að aðstoða aðrar kon­ur með þetta villta eðli. Þær hjálpa öðrum villt­um kon­um í leit sinni að frelsi og standa með þeim þegar eng­inn ann­ar skil­ur staðinn sem þær eru á.

Þær hugsa: „Ég vona að þú hlaup­ir frjáls og búir til sög­ur, sem er lífið, og þú vinn­ir með þess­ar sög­ur, vökv­ir þær með blóði þínu, sáir hlátri þangað til lífið byrj­ar að verða þessi saga sem þú munt vaxa inn í og byrja að blómstra sjálf inn í.“

Þegar villta eldri kon­an hitt­ir yngri konu á sama leiðangri er það sú sem hvísl­ar: „Hús­verk­in eru enda­laus, í raun besta leiðin til að stoppa okk­ur kon­ur frá því að skapa. Skapaðu fyrst og gerðu svo.“ Það er kon­an sem hvísl­ar: „Taktu ábyrgð á þínu lífi, farðu út og gerðu það sem þú þarft að gera.“

Opnaðu aug­un og þá ferðu að sjá ótrú­legt magn af villt­um kon­um sem hafa fundið sinn stað í líf­inu á hljóðlát­an skyn­sam­an hátt. Þetta eru kon­urn­ar sem eru raun­veru­lega frjáls­ar, sem fengu tæki­færi á að velja, staðinn sinn og stund.   –  ( fengið að láni frá MBL.)