Nú hef ég einbeitt mér að því að vera jógakennari undanfarin fjögur ár.  Jógakennarinn eins og allir aðrir verða vinna sér inn tekjur til að lifa af og halda rótarstöðinni,  Muladhara Chakra eða Root Chakra í jafnvægi.  Já þessi eldrauða orkustöð.  Í minni barnstrú hef ég virkilega trú á því að endurskoða sjálfan sig reglulega, leita aðstoðar ef þess þarf í ákveðnum málefnum, endurskoða áætlunina og skoða hvaða verkefni koma til manns… þar af leiðandi að velja og hafna jú það auðvitað geta verið verkefni þar sem við sem jógakennarar getum tekið að okkur eða ekki.

Starfið er í sjálfu sér ofur einfalt ef þannig er á það litið.  Þú bara mætir þar sem þú ert að kenna og kennir tíma…. tja í alvöru?  Nei, og STÓRT NEI, það er ekki svo einfalt.  Ábyrgði fylgir starfinu, ábyrgð að neminn og jóginn í salnum nálgist jógastöðuna rétt, fari sér ekki að voða og auðvitað ábyrgð að viðskiptavinirnir sem eru jógarnir er sækja tíma –  hreinlega skilji hvað er um að vera.  Er jóga eins og hver önnur íþrótt?  Nei ekki alveg og þess vegna sækja einmitt afreksíþróttafólk í jógatíma til að ná tengingu við sig sjálfan og skilning, fái pínu örlítið nasaþef af því að leiða hugann eða stýra huganum á þá braut sem þú vilt – það tekst ekki alltaf og tekur alveg mögulega langan tíma.  Einnig hafa afreksíþróttafólk áhuga á þessu tvennu að fá góðar teygjur, opnanir, nudd með rúllum eða boltum, öndunaræfingar og hugleiðslu og síðast en ekki síst djúpslökun.  Yoga nidra.

Jógakennari er akkúrat með skrítinn vinnutíma eða kennir til dæmis eldsnemma á morgnanna, í hádeginu og svo á kvöldin.  Yfir miðjan daginn er oft bil eða hlé sem kennarinn nýtir til útréttinga og vinnu eða undirbúning nú svo bókhaldið því má ekki gleyma.  Já og þar hefur maður frjálsan tíma þegar aðrir vinna til að rækta sjálfan sig einmitt andlega og líkamlega.  Ég fer mikið í göngu með hundinn minn tengist náttúrunni og fæ oftar en ekki innblástur af næstu tímum, námskeiðum eða komandi jógaferðum, kennaranámi eða mataruppskrift.

Námskeið hef ég haldið frá því ég útskrifaðist sem jógakennari, námskeið af ýmsum toga.  Það má alveg segja að ég hafi aðeins rutt brautina hvað varðar t.d. Jóga & hráfæði, súkkulaði og jóga, handstöðunámskeið, arm balance námskeið, jógahelgum, jógaferðum út á land og jógaferðum erlendis. Nei auðvitað hafa margir farið í ferðir en ég tel mig hafa gert þessa hluti á annan hátt, alltaf kennt með og leiðbeint í matarræði – sýnikennsla ofl.

Ayurveda námskeiðin hafa alltaf verið vinsæl og ayurveda eða lífsvísindin eru okkur bráðnausðynleg.  Borðum samkvæmt okkar líkamsgerð og það sem hentar okkur.  Ayurveda er yfir 5000 ára gömul læknisaðferð frá Indlandi. Eitt af því sem drífur mig áfram og gefur mér fyllingu er að gefa af mér “seva” uppfræða og leiðrétta og leiðbeina fólki á réttar brautir í sínu ferðalagi.  Andlega, líkamlega og sálarlega.  Með matarræðinu, hreyfingunni og hugmyndafræðinni um bætt líf með góðri næringu, jurtum og að sjálfsögðu smá súkkulaði.

Staðreyndir um Ayurveda;

Ayurveda læknisfræðin er upprunnin á Indlandi og er nokkur þúsund ára gömul. Nafnið er komið úr sanskrít og er samsett af orðunum „ayur“ sem þýðir „líf“ og „veda“ sem þýðir „vísindi eða þekking“. Hugtakið „ayu“ felur í sér fjóra undirstöðuþætti eða samþættingu hugar, líkama, tilfinninga og sálar.

Ayurveda er heildrænt indverskt lækningakerfi með það að markmiði að veita leiðsögn varðandi mataræði og lífsstíl svo þeir heilbrigðu geti áfram verið heilbrigðir og þeir sem eiga við heilsufarsvandamál að stríða geti bætt líðan sína. Þetta er margbrotið kerfi sem á rætur að rekja til Indlands og er mörg þúsund ára gamalt. Til eru sögulegar heimildir um kerfið í fornum ritum sem kölluð eru einu nafni Veda-ritin. Í einu þeirra, Rig Veda sem er talin rituð fyrir meira en sex þúsund árum, er að finna yfir 60 þúsund lækningaaðferðir við hinum ýmsu sjúkdómum og kvillum. Ayurveda fræðin eru samt talin vera mun eldri og það er ekki litið á þau eingöngu sem lækningakerfi, heldur sem „vísindi lífsins“. Við erum öll hluti af alheiminum og eins og dýr og plöntur eigum við að lúta lögmálum alheimsins.

Plant-based eating

Plöntufæði, sem er gríðarlega vinsælt nú á dögum þar sem margir kannast við að hafa horft á heimildarmyndina Game changer á Netflix og mæli með því vegna þess að þessi mynd vekur okkur til umhugar vegna kjötáts og hvaða afleyðingar eru af því.

Ef þú ert að borða plöntufæði þá er það einfaldlega eins og nafnið ber til kynna, ávextir, grænmeti, korn, baunir, hnetur/möndlur og fræ einnig sveppi.  Borða alls ekki unna matvöru, elda frá grunni og það er í raun hugmyndinn eða borða hráfæði sem er einnig plöntufæði. Leitin að sem mestri næringarupptöku úr fæðunni gætir auðvitað borðar kartöflur en ekki djúpsteiktar að sjálfsögðu svo dæmi sé tekið. Sumir ganga svo langt að engin olía er í fæðunni og alls engin unnin sykur.

Þeir sem eru á plöntufæði borða ekki:

• Kjöt
• Mjólkurvörur
• Jógurt
• Ost
• Egg
• Unna matvöru

Fersk fiskur er oftar en ekki á borðum þeirra sem eru á plöntufæði.

ORKA, ENSÍM & NÆRING ~ námskeið