Archive for month: January, 2018

Jóga námskeiðin eru að hefjast í næstu viku

09 Jan
9. January, 2018

Byrjendanámskeið 

16. Janúar – 2. febrúar 2018
Þriðjud. og fimmtud. 16:30-17:30
Verð: 20.000 kr.
Kennari; Gyða Dís

Í þessum tímum verður boðið uppá jóga fyrir byrjendur.  Farið verður í alla þrjá þætti sem tengjast jóga;

Öndun (pranyama) Jógastöður (asana) hugleiðslu og slökun Möntrur (dharana)


 

Farið verður rólega af stað en tímarnir geta verið mjög kröftugir. Hér reynum við á alla þætti líkamans, aukum liðleikann á allan hátt, hryggurinn verður liðugri, opnum öll liðamótin betur og náum betri og meiri teygju og liðleika.  Vekjum upp líkamsvitundina og uppskerum betri líkamsstöðu, aukinn styrkur og úthald og síðast en ekki síst öðlumst við betra jafnvægi til að takast á við daglegt amstur.

Þegar við byrjum að ástunda jóga markvisst fer ákveðið ferli í gang, leysum úr læðingi „prönuna“ eða lífsorkuna og hreinsun á sér stað í líkamanum, taugakerfið róast, stoðkerfið eflist og öll líkamsstarfsemi verður virkari.  Í jóga fáum við tækifæri til að stíga út úr huganum og leita inná við í hjarta okkar.  Allir geta stundað jóga, krakkar, unglingar, fullorðnir og einnig fólk sem á við veikindi eða fötlun að stríða. Viskan býr hið innra og við verðum meira og meir meðvituð um sjálfan okkur við ástundun jóga.    Skráning hafin.

Karlmenn og Jóga

19. janúar – 9. febrúar

Föstudagar kl. 12:00 – 13:00

Verð: 10.000 kr.

Kennari; Gyða Dís

yoga-men-side-plank2

Hér er tækifærið fyrir þig til að koma og liðka þið og takast á við streitu með hinum strákunum.  Einn lokaður karlatími í viku og frítt í alla opnu tíma í töflu.  Oftar en ekki heyrir maður “jóga er ekkert fyrir mig, ég er svo stirður”  allir geta stundað jóga á hvaða aldri sem er og allir eru velkomnir ungir sem aldnir karlmenn í karlatímann á föstudögum.  Aukum liðleika, styrk og úthald. Öndun og hugleiðsla og slökun. Vinnum í að vera í stundinni hér og nú, núllstillum okkur og leitumst við að vera í kærleikanum í hjartanu.  Streita getur verið stór áhrifavaldur í lífinu okkar og hindrun í að halda áfram.  Svefnin laskast, hreyfigeta og orka minnkar.  Fæðuvalið verður mögulega verra… við ræðum þetta allt á námskeiðinu.  Skráning er hafin! Sendu póst á [email protected]   eða hringdu í síma 822 8803.

ANUSARA jóganámskeið

15.janúar – 29.janúar

Mánudagar kl: 17:00 – 19:00

Verð 15.000-

Kennari: Gyða Dís

Það má segja að í Anusara jóga erum við alltaf að leita og kafa eftir því góða og hinu guðdómlega hið innra með okkur.  Sjá það góða í hverjum og einum til þess að öðlast færni til að sjá og finna það hjá sjálfum sér. Meðal annars með því að; vekja upp hjartastöðina og meðvitundina, stöðugleika og gleðina hið innra. Gleðin endurspeglast, hún og leyfir hjartanu þínu að skýna eða glitra þessu góða út í samfélagið og alheimin. Það er mjög mikil áherslu á hvernig líkamsstaðan er, jógakennari aðstoðar og leiðréttir nema í tímum. Ávinningurinn er að nemandinn öðlast góða meðvitund um líkamann sinn og fer öruggur í jógastöður, nær enn meiri opnun og tengslum við sjálfan sig og jógastöðuna sem kennarinn leitast við að koma nema í með virðingu fyrir hverjum og einum og þú ert alltaf á þínum eigin forsendum og enn og aftur hlustar á líkama þinn.  Með djúpri virðingu fyrir því liðna, ósk um bjarta framtíð með þakklæti og kærleika fyrir því sem er.Anusara jógakerfi er heilandi og heillandi kerfi hentar öllum stigum.  Á námskeiðinu er frítt í alla opnu tíma í töflu.  Skráning er hafin.

Ert þú 60 ára eða eldri?  Áttu við vandamál að stríða eftir langvin veikindi eða slys? 

Þessir tímar eru opnir en fer reglulega og oft í upphafið og grunninn.

Mánudaga, miðvikudaga og föstudaga 9:30-10:30
Kennari; Gyða Dís

Nærandi jógatímar á stólum og gólfi þar sem boðið er upp á rólegar æfingar eftir getu hvers og eins.  Áhersla er á öndun, teygjur, styrk, liðleik, hugleiðslu og slökun. Hentar vel þeim sem vilja auka vöðvastyrk, hægja á beinþynningu, ná betra jafnvægi og auka úthald við dagleg störf.

maxresdefault

Öndunaræfingar hjálpa okkur að dýpka andardráttinn og kyrra hugann.
 Jógaæfingarnar draga úr stirðleika líkamans og auka teygjanleika og mýkt.
 Hugleiðslan hjálpar við að hægja á hugsanaflóðinu og njóta hvers andartaks betur.
 Gerðar verða léttar æfingar bæði á stól og á gólfi sem auka teygjanleika og mýkt, bæta jafnvægi og stöðugleika. 
Í lok hvers tíma er góð slökun sem gefur góða hvíld og nærir huga, líkama og sál.  Endurgerir og endurnýjar þig.

Verið hjartanlega velkomin að koma í prufutíma í jóga og skoða nýja jógasetrið í Kópavogim,  Shree Yoga, Versölum 3- 2 hæð fyrir ofan Salarsundlaugina.

jean-dawson-yoga-sukhasana-500x333

 

Svo er auðvitað gott að skutla sér í Salarsundlaugina eftir dýrðar jóga og slökunartíma.  Ef spurningar vakna hafðu endilega samband, sendu mér tölvupóst [email protected]  eða hringdu í síma 822 8803

Jai bhagwan

Kærleikur og ljós

Karlmenn og jóga

04 Jan
4. January, 2018

Hefur þú prufað jóga?  Kannski ekki, sumir karlmenn og konur reyndar eru eða segjast vera svo stirðir að þeir geti ekki farið í jóga!  En það er svo mikill miskilningur, þá er jóga einmitt fyrir þig.

Jóga fyrir karlmenn á föstudögum 12-13:00

4. vikna námskeið

Hefst 19.janúar – 9.febrúar 2018

Verð aðeins krónur 10.000-

frítt í alla opnu tíma í stundarskrá.

….Ertu að glíma við stirðleika? Er þá bara ekki tími til að kíkja í jóga?

Aukum liðleika, styrk og úthald. Öndun og hugleiðsla og slökun. Vinnum í að vera í stundinni hér og nú, núllstillum okkur og leitumst við að vera í kærleikanum í hjartanu.  Í hverjum tíma tökum við langa og djúpa slökun.  Streita getur verið stór áhrifavaldur í lífinu okkar og hindrun í að halda áfram.  Svefnin laskast, hreyfigeta og orka minnkar.  Fæðuvalið verður mögulega verra… við ræðum þetta allt á námskeiðinu.

Hlakka til að sjá ykkur sem flesta.

Skráning; sendið póst á [email protected]

eða hringið í síma 822 8803

Vertu breytingin ~ þú og aðeins þú getur bjargað sjálfum þér ~ engin annar!

02 Jan
2. January, 2018

“No one saves us but ourselves. No one can and no one may. We ourselves must walk the path.”
―Buddha   

Árið 2017 var viðburðarríkt og skemmtilegt.  Nú höfum við hinsvegar tekið á móti nýju ári, nýjum stefnum og örugglega markmiðum og mögulega áskorunum.  En fyrst og fremst verðum við að vera meðvituð um okkur sjálf.  Meðvituð um okkar eigin getu og líkamsástand.  Ef einn getur gert 100 armbeygjur í einu og annar 5 armbeygjur hámark þá eru báðir aðilar að toppa sig og í sínu 100% besta formi miðað við stund og stað!  Já sorry þannig er það en hinsvegar getur þú byggt upp þolið, styrkinn og ákveðnina.  Hvernig ætlar þú að standa við þín markmið og áskoranir?  Byrjaðu hægt, vertu staðfastur/staðföst, hafðu reglufestu og reglu á þínum daglegu venjum.

  • Vaknaðu alla morgna á sama tíma, farðu á sama tíma að sofa öll kvöld..
  • Andaðu já í alvöru taktu djúpar og góðar öndunaræfingar, með því ertu að styrkja frumurnar þínar og miðlar orkunni um allann líkaman
  • Húðburstun á morgnana,  örvar blóðstreymi til húðarinnar og fjölgar húðfrumum því örar, burstunin hreinsar dauðar húðfrumur og örvar sogæðakerfið og hjálpar þannig líkamanum að losna við eitur- og úrgangsefni úr líkamanum.
  • Ef þú hefur möguleika á að hefja daginn á örstuttu skokki innan dyra eða úti er það frábært.
  • Að sippa er einnig góð æfing og hjálpar til við að nudda sogæðakerfið og hreyfa við frumum og hjálpar að losa þig við bjúg.
  • Farðu í viðsnúna stöðu * æfðu þig í Halasana ~ Plóg,  Sarvangasana ~ Herðastöðunni eða Sirsasana ~ Höfuðstöðunni
  • Hvíldu þig, taktu 10 mínútur á dag í Savasana ~ líkstöðunni eða hinni frábæru stöðu Viparita Karani ~ fætur upp við vegg.  

Hér er slóð á eldri grein  Viðsnúnar stöður 10 ástæður til að gera daglega

Í ayurveda fræðunum er talað um reglufestuna.  Nennan er ekki alltaf með í liði og auðvitað er kannski bara gaman að fara út á kvöldin, hitta fólkið þitt eða horfa á góða bíómynd.  Ég skora hins vegar á þig að reyna á þinn eigin ásetning með það eitt að fara sofa á sama tíma alla daga um helgar líka!

Janúar áskorunin í Shree Yoga hófst í gær…. þú getur dottið inn í dag ef þú hefur tök á þvi.  Jóga í 31 dag alla daga í janúar mánuði.  Ég er með hastagið #janúaráskorun #31

Sunnudagstímar bættust við í stundatöfluna tímarnir eru klukkan 11-13:00 tveggja tíma Anusara jógatímar!  Klikkað gaman og alltaf kviðæfingar og viðsnúnar stöður / kennsla.

Sjáumst í salnum og munið litlu jógasjoppuna.

Jai bhagwan