Archive for month: November, 2015

11 Nov

11. November, 2015

Nú er komið að því að yogadísin taki frí. Núna 14 nóvember – 29 nóvember verð ég í læri hjá Sri Ashutosh Muni í Bandaríkjunum. Kem fersk heim og algerlega núllstilt og tilbúin í skemmtilegan desember mánuð með ykkur. Ég mun setja inn tíma – aukatíma t.d. verður fjölskyldujóga, arm balance námskeið, yoga & súkkulaði námskeið ofl. skemmtilegt í desember. Við megum alls ekki gleyma ástunduninni í desember mánuði.

Megi þið eiga dásamlega stundir og njóta alls sem er. Munið að skoða þessa hluti sem tengist því að gera þig heilbrigðari á líkama og sál. Hvað gerir þú fyrir sálina þína?Hvernig nærir þú þig dagsdaglega? Ertu úthvíld/ur þegar þú vaknar á morgnanna?

~~ Fáðu þér “trít” en hafðu það holt ~ gerðu þitt eigið konfekt eða hráköku.

~~ Gerðu öndunaræfingar

~~ Ræktaðu sálina þína

~~ Vertu ástfangin af sjálfum þér

Lífið er allt of stutt til að lifa því í eymd og volæði. Lifðu lífinu, leiktu þér, gerðu eitthvað skemmtilegt og fallegt fyrir sjálfan þig. Dragðu fram þína innri sál og tengdu við hana ást og kærleika, það gæti verið erfitt. Finnum leið til að láta Egóið vinna fyrir okkur. Gefðu af þér, vertu sá sem gefur, hugsaðu fallegar hugsanir, aldrei að lifa í eftirsjá eða í samviskubiti. Tíminn er núna akkúrat hér og nú.

Af hverju hafa páfuglar svona langar stélfjaðrir?

Páfugl (Pavo cristatus) er ein af tveimur tegundum páfugla af ættkvíslinni Pavo sem er innan ættar Phasianidae eða fasanaættar. Hin tegundin er grænpáfuglinn (P. muticus) sem lifir í Indókína. Páfuglinn, sem einnig er nefndur indverski páfuglinn (e. indian peafowl), er þjóðarfugl Indlands. Þar þykir hann mikil gersemi og var oft hafður til skrauts í görðum heldra fólks. Hann var einnig fluttur til Evrópu og Bandaríkjanna þar sem hann er mjög algengur. Stélfjaðrir karlfuglanna eru með þeim mögnuðustu sem þekkjast meðal fugla og eitt gleggsta dæmið um svokallað kynjað val (e. sexual selection) í náttúrunni. Kjörbúsvæði páfuglsins er kjarrlendi eða staktrjáasléttlendi Indlands. Þangað halda fuglarnir á næturnar til að eiga ekki á hættu að lenda í klóm rándýra, en páfuglar eru iðulega á matseðli tegunda eins og hlébarða (Panthera pardus), tígrisdýra (Panthera tigris) og úlfa (Canis lupus)

J A I B H A G W A N

0 Comments/posted in Ayurveda, Jóga, Súkkulaði /by gyda

Hvernig líður þér í dag?

05 Nov

5. November, 2015

Hvernig líður þér í dag?

Hvernig líður þér í tilfinningunum þínum í dag?

Hvernig líður þér í líkamanum þínum í dag?

Hvernig líður þér í orkulíkamnum þínum í dag?

Hvernig líður þér í hugarlíkama þínum í dag?

Hvernig líður þér í alvörunni í dag?

Hver eru viðmiðin þín um þína eigin líðan og væntingar til lífsins?

Í dag líður mér vel “núna” akkúrat núna líður mér mjög vel. Ég merki það á eigin skinni ekki hvernig er ætlast til að mér líði. Ekki á því hvernig er ætlast til þess að ég líti út þegar ég reisi höfuðið frá koddanum mínum öll krumpuð og sæt eins og Golrir nema hvað það sést varla í augun mín fyrir baugunum! Ég vakna eldsnemma alla morgna og leyfi mér að sofa aðeins lengur í stað þess að byrja á því að græja andlitið og hárið og lúkkið. Jú ég mæti í kennslu kl.06:15 nákvæmlega eins og ég er, með pínu úfið hárið og frjálslegt. Sumarliturinn farin úr andlitinu og baugarnir stundum meiri þennann daginn en hinn og já ég þarf bara leita og setja upp gleraugun til að finna augun mín “jú hú æði þau eru þarna” frábært 🙂 takk fyrir ég sé.

Ég elska mig nákvæmlega eins og ég er, elska þessar fínu, löngu og mjúku hrukkur sem eru farnar að myndast í andlitinu mínu sem ég þakka fyrir. Þessar elsku hrukkur segja bara nákvæmlega til um það hvernig þú lifir lífinu þínu geta markað að sjálfsögðu erfiðleika og raunir en fyrst og fremst marka þau að ég er á lífi! Að vera lifandi 50 ára yogadís er ég þakklát fyrir. Það eru alls ekki allir sem ná þessum háa og merka aldri – virðulega aldri. Eitt af einkennunum að vera með hrukkur í andlitinu er að þær segja mér einnig þú átt þrjú börn. Sá elsti 27 ára – miðjan 23 ára og yngsti 20 í des. Þetta á að sjást á mér.

Elska mjaðmirnar mínar, rassinn, lærin, handleggina, brjóstin og síðast en ekki síst magan minn. Hver segir að viðmiðin sem fólk í dag er farið og hefur gert held ég langt aftur í tímann miðað sig við. Ég er svo glöð þegar ég sé að það er fréttnæmt á ljósvakamiðlunum þegar t.d. erlendar leikkonur eru að lýsa því yfir að þær séu hættar að fylla uppí hrukkurnar því þær vilja að börnin þeirra átti sig á því að við eldumst! Já og þökkum fyrir það að eldast.

~ Ekki taka þig of alvarlega til þess er lífið allt of stutt.

~ Ekki dæma þig né aðra

~ Ekki beita þér né öðrum ofbeldi

~ Ekki taka þátt í niðurrifstali um sjálfan þig né aðra

~ Ekki gefa huganum / egóinu leyfi til að segja þér hvernig þú átt að vera

Um leið og þú ert farin að dæma, beita þér ofbeldi eða tekur þátt í niðurrifstali ertu um leið að “downloda” tamasaki og þar vitlu alls ekki vera – trúðu mér!

Skoðaðu líkama þinn og í stað þess að álasa hann t.d. ók ég hefði nú getað farið út að skokka á hverjum degi og verið laus við þessi aukakíló sem stöðugt eru að pirra mig. Eða þetta er frábær fyrirmynd, svona ætla ég að gera og vera ( oftast óraunverulegt ).

Vertu þú, þú sjálf/ur. Þú ert besta fyrirmyndin þín. Vertu betri í dag en þú varst í gær. Horfðu á þig í spegli og reyndu að finna jákvæða staðreynd um þig og líkama þinn og lærðu að elska þig. Elska þig fyrst og fremst því alls ekki fyrr en þú ert farin að elska sjálfan þig nákvæmlega eins og þú ert, virða þig og dást að þér, þá fyrst getur þú farið að gefa af þér til annarra ást og kærleik.

DANSAÐU eins og engin sé morgundagurinn.

STAÐHÆFINGAR farðu með fallegar staðhæfingar til þín sjálfrar daglega.

ELSKAÐU þig og lífið sjálft.

VINIR veldu þér vini sem gefa frá sér jákvæða orku, þurfum ekki endalaust að taka á móti neikvæðni. Neikvæðni og leiðindi eru niðurdrepandi og valda depurð og þess að þú ósjálfrátt ferð að vanmeta sjálfan þig.

TALAÐU fallega.

HUGSAÐU fallegar hugsanir.

GÓÐVERK gerðu góðverk á hverjum degi SEVA.

ÞAKKAÐU fyrir þig. Þakkaðu fyrir líkama þinn, lífið og að fá að vera þáttakandi lífinu sjálfu. Þakkaðu fyrir allt sem kemur til þín.

KÆRLEIKUR ræktaðu kærleik og auðmýkt

KARMA allt kemur margfalt til baka til þín eins og búmerangið.

OM NAMO BHAGAVATE VASUDEVAYA

Jai bhagwan.

0 Comments/posted in Uncategorized /by gyda

Láttu matinn vera meðalið þitt og meðalið vera matinn þinn.

04 Nov

4. November, 2015

Þetta sagði Hipocrates fyrir meira en 2000 árum síðan. Við getum aðstoðað og hjálpað ristlinum okkar að vinna sitt verk og koma meltingarfærunum í gott starf. Er þín melting eðlileg og ferðu daglega og skilar því sem skila þarf? Maður getur alltaf spurt sig og skoðað þá hvað er það sem ég get gert til að bæta meltinguna. AMA í Ayurveda vísindunum er talað um AMA sem eru meltingartruflanir ( rót sjúkdóma ) og hvernig getum við unnið gegn þeim. AGNI er meltingareldurinn og hvernig virkjum við hann?

Ég sjálf hef leikið þennann leik og verið með AMA lengi vel áður en ég fór að huga að matarræðinu. Það ferðarleg hófst eiginlega árið 2003. Þá ákvað ég yogadísin að hefja nýtt ferðalag með nýjum lífsstíl og matarvenjum ( já það kemur blogg um það einn góðann veðurdag). Allt hefur verið uppá við ég fór dýpra og dýpra og lærði meðal annars að vera jógakennari og starfa við það í dag og sjálfmenntaði mig í ýmsum matarræðum með námskeiðum hjá íslenskum og erlendum kennurum og hef ég mest megnis verið í grænmetis og hráfæðisréttum undanfarin ár.

Ayurveda er eins og þið getið lesið ykkur til um á síðunni minni yfir 5000 ára gömul Indversk læknisfræði og er í stuttu máli ástríða mín. Ég er enn að læra um Ayurveda fræðin hjá meistara mínum Babuji og Kristbjörgu Kristmannsdóttur. Einnig er ég í sambandi við Ayurvedískan lækni dr. Shubi sem hefur komið nokkrum sinum til íslands og stefni ég á það að fara með hóp í “pílagrímsferð” til Indlands og kynnast betur meðferðum og sjá með eigin augum og upplifa með Shubi.

Veistu hvernig þú getur byrjað á því að vinna á AMA og að virkja Agni í líkamanum þínum?

AMA

Bættu TRIPHALA við í dagvenjurnar þínar.

Triphala samanstendur af jurtunum Amla, Bibhitaki og Haritaki

Triphala er í senn mild og áhrifarík jurtablanda.

Hún hjálpar við að koma jafnvægi á starfssemi meltingar og getur í senn linað vindgang og uppþembu, hægðatregðu og aðra meltingarkvilla.

Triphala hefur hreinsandi áhrif án þess að erta meltingarveginn og má því nota hana að staðaldri.

Enn fremur gerir hún meltingarveginn ekki háðan virkninni, eins og sumar losandi jurtir, heldur styrkir hana.

Fáðu þér Triphala jurtina í töfluformi eða dufti t.d. 1/2 tsk. af dufti úti volgt vatn á kvöldin áður en þú ferð að sofa.

Súrkál (hægt að kaupa tlbúið ) hágæða „probiotic“ fæðubótarefna.

Jurtate t.d. fennelte eftir mat bætir meltinguna.

Eplaedik og hunang með volgu vatni. Í eplaedikinu eru góðir gerlar fyrir þarmaflóruna.

AGNI

Borðaðu fyrir sálina þína en ekki egóið. Til að viðhalda góðum meltingareldi er í raun allt hér að ofan að viðbættu hreyfingu.

Hreyfa sig rösklega a.m.k. 30 mínútur á dag. Nota hversdaginn til að hreyfa sig. Gera ráðstafanir til að stjórna streitu og ná góðum svefni á hverri nóttu. Gerðu jóga á fastandi maga á morgnanna. Öndunaræfingar og hugleiðsla og að fara með möntru “OM NAMO BHAGAVATE VASUDEVAYA” byggja upp hjartaprönu. Hugleiða inná meltingarfærin, draga athyglina niður í átt að magastöð til að þrýsta APANA niður. Jógastöður sem eru tilfallnar t.d. hundurinn og kötturinn með öndunaræfingum. “twisturinn” og allar vindur uppá líkama til dæmis viðsnúni þríhyrningurinn. Höfuðstaðan og handstaðan.

Það sem skiptir meginmáli er fæði og fæðuvalið okkar. Leitastu við að borða sem hreinasta mat og helst líffrænt ræktaðan. Íslenskan mat, íslenskar jurtir og íslenska saltið.

Ef ég mætti ráðleggja ykkur heilt er það að hugsa fyrst og fremst um mattarræðið – hvernig þú fóðrar mustirið þitt og því næst er það svefnin eða hvíldin ertu að hvílast vel og í þriðja lagi er það hreyfingin. Hreyfðu þig daglega og bættu alltaf einhverju nýju og skemmtilegu við. Notaðu þinn eigin líkama t.d. jóga, body mowement, syntu, ganga, skokk og öndunaræfingar. Skrúbbaðu líkama þinn og nuddaðu uppúr góðri olíu t.d. sesamolíu.

~ FÆÐI

~ SVEFN

~ HREYFING

Twistinn getur þú gert t.d. í “low lunch”

Og að lokum gætir þú hugsað þér að bæta fitu já góðri fitu inní daglega matarræðið þitt. Að borða vel af góðri fitu á morgnanna er góð leið t.d. bættu kókosolíu og eða ghee útí kaffið þitt eða teið eftir morgunmatinn.