Spergilkálð er hrein dásemd og nú sem aldrei fyrr er mikið til af íslenska græna og fallega spergilkálinu í verslunum um allt land.  Endilega prufið að nota spergilkálið á allann hátt sem ykkur dettur í hug.  En hér er ég með ofureinfalda uppskrift af þessum dásamlega ofur grænmeti svo hrikalega einfalt að það hálfa væri nóg.  Hér erum við að tala um einn haus af spergilkáli, olíu og skál…  allt of sumt og toppurinn er að strá pínu himalaya salti yfir. Þetta er gríðarlega vinsæll “réttur” og margir af mínum vinum orðnir algerlega háðir honum, enda hrein dásemd!!

Aðferð:  Takið Spergilkálið og skolið, skerið í bita  (nota stilkin líka).  Setjið í skál, takið olífuolíu eða hampolíu ( elska hampolíuna) ég kýs hampolíu og hellið yfir kálið.  Nuddið nú olíunni inní blómið og passið að allt baðast í olíunni.  Stráið aðeins himalaya saltinu yfir og búmmmm  klikkað góður réttur tilbúin!!!   Best er að láta vera í ískáp og taka sig í eina klukkustund eða svo.  Gott með öllum mat eða bara eitt og sér í kvöldmat 🙂 nammi nammi nammmmmm.

Áhrif spergilkálsins eru meðal annars. 

Taugakerfið,  spergilkál inniheldur mikið magn af kalíum sem hjálpar að okkur í að viðhalda taugakerfinu, heilastarfsemin og vöðvauppbyggingunni heilbrigðari,

Blóðþrýstingur,  ásamt því að innihalda mikið magn af kalíum þá inniheldur spergilkál einnig magnesium og kalk sem hjálpa við að halda blóðþrýstinginum eðlilegum og jöfnum.

Vitamín C,  einn bolli af spergilkáli inniheldur ráðlagðan dagskamt af C vítamíni og áhrifaríku andoxunarefnum.

Heilbrigði beina, spergilkál inniheldur eins og fyrr sagði mikið magn af kalsíum einnig K-vítamíni sem bæði eru mjög nauðsynlegt til að verjast beinþynningu og styrkja beinabúskapinn í líkamanum.

Sólbruni,  spergilkálið aðstoðar okkur við að endurgera og leiðrétta húðina t.d eftir sólbruna einnig hjálpar það við að losa okkur við eitrun eða úrgang úr húðinni.

Ónæmiskerfið, styrkir ónæmiskerfið, inniheldur beta-karótín, snefilefni eins og sink og selen.

Forvörn gegn krabbameini,  spergilkál inniheldur mjög svo öflug andoxunarefni sem eru góðar forvarnir gegn krabbameini t.d. glucaraphanin, h.pylori og indole-3-carbinol og í þokkabót styðja þessi efni við lifrastarfsemina.                                                                                                                                                                              

… krakkar endilega skoðið þessa frábæru og einföldu leið í átt að bættum lífstíl og heilbrigði.  Það þarf alls ekki að baða kálið í olíunni, hægt að nota hrátt eða létt gufusjóða.  T.d. hitavatn í potti, þegar suðan er komin upp þá taka af helli og slökkva á hellunni.  Spergilkálið er tilbúið og skorið hellið því í pottin setjið lokið á og takið pottinn strax upp hellið innihaldinu í sigti  og búmmmmm  fáið dökkgrænt og fallegt spergilkál án þess að vera búin að eyðileggja það með að sjóða í mauk inniheldur enn góðu efnin og er mýkra undir tönn…  bara alls ekki að sjóða eins og var gert í gamla daga

Njótið lífsins, hugum að líkama okkar og hvað við setjum ofaní okkur.  Það þurfa alls ekki allir dagar að vera nammidagar – en krakkar þegar þið prufið þessa aðferð á kálinu þá er þetta algert nammi….   Segi enn og aftur ég er enginn sérfræðingur né snillingur, hægt er að lesa sig til á netinu bara googla broccoli and benefits…   eða áhrif brokkolísins 🙂 Namaste!

og..

Myndir úr Hallargarðinum….

Ég get nú ekki annað en verið hrikalega glöð og ánægð með skógarjóga á menningarnótt, fullt af frábæru og mögnuðu fólki mættu í skógarjóga í Hallargarðinum…  áttum saman dásamlegan tíma í yfir 20 stiga hita.  Takk enn og aftur fyrir allt elskurnar, þið eruð algerlega frábær, set inn nokkrar myndir úr Hallargarðinum.

Skógarjóga túnflötinni í Gufunesi Grafarvogi næstkomandi sunnudag kl: 11.00 …  komdu og vertu með og upplifðu.

Eigið dásamlega daga og hugum að okkur sjálfum, nærum okkur vel á líkama og sál og hugleiðum hvað við setjum ofan í okkur, namaste.

JÓGA – skógarjóga kl.13:30 og kl.14:30

í Hallargarðinum, Fríkirkjuvegi.

 Skógarjóga eða útijóga í Hallargarðinum á menningarnótt, hvað er betra en það! Allir eru velkomnir hvort heldur þeir sem eru lengra komnir jógar eða þeir sem eru að byrja og langar að forvitnast um hvað er jóga.  Hugmyndin er að kynna jóga fyrir þeim sem langar að prufa – nú er tækifærið. Það er algerlega frábært og ólýsanlegt að gera jóga úti í náttúrunni með hóp af fólki,  þvílík orka sem myndast.  Stefnum að einum fjölmennasta útitímanum á íslandi þennan dag.

Jóga er stundað um allan heim í þeim tilgangi að auka heilbrigði og andlegan þroska einstaklingsins. Jóga þýðir eining og þegar við iðkum jóga fáum við meira og betra tækifæri til að stíga aðeins út úr huganum og hverfa inn í sálina, tengjast,  finna og upplifa það sem maður raunverulega er.  Dagurinn í dag er sá besti og gerðu hann að þínum með að upplifa, njóta og vera.

Komdu með jógadýnuna þína eða bara teppi og leikum okkur saman í mögnuðum félagsskap með hóp af fólki í skógarjóga í Hallargarðinum kl. 13:30 og aftur kl 14:30.

Hlakka mikið til að sjá þig.

Namaste, Gyða Dís jógakennari.

Ég hef verið að leika mér við kornsafagerð / spírusafa ( rejuvelac ) að hætti dr. Ann Wigmore, geggjað að fá sér á fastandi maga ódýr og góður kostur fyrir þá sem þurfa taka inn ensym eða asitofilus.  Aðeins það tekur smá tíma að gera og koma sér upp rútínu elskurnar prufið þið þetta er bara svo skemmtilegt og maður setur auðvitað slatta af ást og kærleik í spírusafann og hann verður guðdómlegur.  Er núna að gæða mér á Kínóa safa skál elskurnar njótið njótið og njótið skál og  gleðilega verslunarmannahelgi.

Kornsafa er hægt að gera úr öllum korntegundum. Næring safans fer eftir því hvaða korntegund er notuð. Rúg- og hveitikornssafi er rikastur af næringarefnum. Í kornsafa af þessum tegundum er mest af andoxunarefnum. Kornsafi er mjög próteinríkur. Í honum er mikið magn af aspergillus og lactobacillus mjolkursýrugerlum, en þeir eru nauðsynlegir fyrir meltinguna. Einnig er safinn ríkur af B, C og E vítaminum og hvötum (ensímum, efnakljúfum). Drykkurinn hjálpar okkur að brjóta niður erfið mólekúl s.s. fitu og sterkju.

KORNSAFAGERÐ Það sem til þarf er glerkrukka, grisja /gömul bleyja, teygja, korn (lífrænt korn) og vatn.  1 bolli korn eru þveginn og lögð í bleyti í ca 12 klst. Notum stóra og góða krukku td. IKEA krukkurnar fyllum svo upp með vatni látum standa í dimmu rými.

SPÍRUN/AÐFERÐ
Kornið er skolað og sett í krukku sem er lokað með grisju og teygju. Krukkunni er hallað á grind uppþvotta grind t.d. svo að allt vatnið leki úr henni. Þetta er endurtekið tvisvar sinnum á dag í 2-4 sólahringa td. kinóa þarf aðeins 2 sólarhringa eða þar til litlu spírurnar sem koma út úr frækorninu eru jafn langar og kornið sjálft.

Núna eru kornspírurnar settar í krukku með rúmlega helmingi meira vatni. Krukkunni er lokað með grisju og teygju. Krukkan er látin standa á eldhúsborðinu í 2-4 sólarhringa.

Vökvanum – Kornsafanum er hellt frá sigtaður og hann settur á flösku eða í könnu og geymdur í ísskáp. Hann geymist í u.þ.b. viku – 10 daga.

Hægt er að nota sömu kornspirurnar tvisvar sinnum í viðbót og er vökvinn í seinni skiptunum látinn standa í 2 sólarhringa á eldhúsborðinu.

Þegar hellt er af korninu í fyrsta skiptið er gott að láta nýjan umgang af korni í bleyti til að viðhalda framleiðslunni, við getum gefið svo fuglunum kornin sem við erum þegar búin að spíra og fá safa úr tvisvar sinnum.

Safinn verður bragðmeiri við geymslu. Sumum finnst hann þá betri. Hann geymist lengi í kæli. Safann má nota hvenær sem er að deginum. Sumir drekka hann á fastandi maga, aðrir fyrir mat. Getur blandað spírusafanum útí djúsa eða safanna þína ef þér finnst hann bragðvondur en hey hann er geggjaður og ……  spáið í þetta kornsafinn stutfullur af ensímum, en þau munu vera leyndarmálið á bak við eilífa æsku! Pælum aðeins í þessu.

http://en.wikipedia.org/wiki/Rejuvelac